Diversity in Syria

الأحمدية هي جماعة بتتبع عقيدة

دينية مكملة للإسلام بنظرهم ..

نشأت هالطائفة زمان بمنطقة

البنجاب يعني (الهند البريطانية)

عام 1889 ..

عن طريق شخص اسمو “ميرزا

غلام احمد”

اعتبر حالو المهدي المنتظر

و اعلن كمان انو هو يعتبر المجيء

التاني للسيد المسيح اللي حكوا

عن جيتو بالقران والانجيل ..

هي الديانة بتآمن بالصلاة

والصوم والزكاة واليــوم الاخر

وتقريبا نفــس معتقــدات المسلمين

من حيث اركان الدين.

ولكنها بتعتبر النبي محمد

عليه السلام، مو آخر الانبياء، وبتظن

انو ميرزا غلام احمد هو النبي الاخير

اللي حكت عنو كل الكتب السماوية

وبشرت فيه ..

يعني ميرزا بنظرهم، هو المسيح

العائد، وهو المهدي المنتظر، وهو النبي

الأخير .. ثلاث شغلات مع بعض

ما بتآمن بفكرة الزحـــف !!

يعني الدفاع عن العقيدة عن طريق

الجهـ.ـاد في سبيل الله، وما بتآمن

ابدا بالحـ.ـروب ولا بسـ.ـفك الدمـ.ـاء ..

لهيك اعتبروها عقيدة مسيسة

ومن تشـــكيل بريطانيا لحتى تغير

شوي بالمبادئ الدينية الثابتة عند

معظم المســلمين ..

الأحمدية ما بتآمن انو المسيح

صعد الى السـماء، بتعتقد الطائفة

الأحمدية انو يسوع المسيح مات

بشكل نهائي وما طلع لفوق ابدا،

وجثتو بالأرض حالياً وما تآكلت ..

بينما المسلمين والمسيحيين

بآمنوا انو المسيح صعد الى السماء.

الاحمدية ما بتتزوج من

بقية المسلمين (السنة، الشيعة،

العلوية، الاسماعيلة، الخ ) يفضّل انو

يكون العريس والعروس أحمديين.

بتنتشر اكتر شي بلندن لانو

دعمتها بريطانيا من اول نشأتها

عربيا، في قرية بحيفا

بفلسطين اسمها (الكبابير) فيها اكبر

تجمع عربي للأحمديين وفيها جامع

الهن.

بسورية الأحمديين موجودية

بدمشق وريفها من اكتر من 100 عام.

وكان الهن مقر رسمي بدمشق،

اسمو (جامع النوفرة الأحمدي)

موجود جنب قهوة النوفرة ..

معبد الاحمدية هو مســجد

بالشكل تقريبا وطقوسهن نفس

طقوس المسلمين بشكل عام.

وبيتميز الجامع بجملة

(لا راد لفضله) بيكتبوها بـكل مكان

جوا وبرا البناء، لحتى يميزوه شوي

بآمنوا بالسلام والهن مراكز

ضخمة بالعالم متل كندا وبريطانيا و

استراليا ونيوزيلاندا وباكستان ..

عددهن بســـورية ما يقارب

الـ150 الف نسمة، ويمكن اكتر

ويمكن اقل، مافي احصائية ..

مراكز الاحمدية بريف دمشق

اسمها (لجنة اماء الله).

طائفة تبشيرية، يعني بتسمح

للكل بالدخول فيها مقابل البيعة لـ

شيخ الطائفة وقبول بنود معينة ..

الاحمدية هي طائفة كانت

مرخصة ومسجلة بالســجلات من ايام

العثمانيين وعايشة بشكل طبيعي ..

زاد انتشار الأحمدية بسورية

بالعام 2005.

عن صفحة جيل التسعينات السوري